The War Scroll

1 ואנשי הסרך יהיו מבן ארבעים שנה ועד בן חמשים וסורכי המחנות יהיו מבן ○○ חמ ○ ש ים שנה ועד בן ○○ ש שים והשוטרים

2 יהיו גם הם מבן ארבעים שנה ועד בן חמשים וכול מפשיטי החללים ושוללי השלל ומטהרי הארץ ושומרי הכלים

3 ועורך הצידה כולם יהיו מבן חמש ועשרים שנה ועד בן שלושים וכול נער זעטוט ואשה לוא יבואו למחנותם בצאתם

4 מירושלים ללכת למלחמה עד שובם וכול פסח או עור או חגר או איש אשר מום עולם בבשרו או איש מנוגע בטמאת

5 בשרו כול אלה לוא ילכו אתם למלחמה כולם יהיו אנשי נדבת מלחמה ותמימי רוח ובשר ועתודים ליום נקם וכול

6 איש אשר לוא יהיה טהור ממקורו ביום המלחמה לוא ירד אתם כיא מלאכי קודש עם צבאותם יחד ורוח יהיה

7 בין כול מחניהמה למקום היד כאלפים באמה וכול ערות דבר רע לוא יראה סביבות כול מחניהם _____

9 ובסדר מערכות המלחמה לקראת אויב מערכה לקראת מערכה ויצאו מן השער התיכון אל בין המערכות שבעה

10 כוהנים מבני אהרון לובשים בגדי שש לבן כתונת בד ומכנסי בד וחוגרים באבנט בד שש משוזר תכלת

11 וארגמן ותולעת שני וצורת רוקמה ( ריקמה ) מעשה חושב ופרי מגבעות בראשיהם בגדי מלחמה ואל המקדש לוא

12 יביאום הכוהן האחד יהיה מהלך על פני כול אנשי המערכה לחזק ידיהם במלחמה וביד הששה יהיו

13 חצוצרות המקרא וחצוצרות הזכרון וחצוצרות התרועה וחצוצרות המרדף וחצוצרות המאסף ובצאת הכוהנים

14 אל בין המערכות יצאו עמהמה שבעה לויים ובידם שבעת שופרות היובל ושלושה שוטרים מן הלויים לפני

15 הכוהנים והלויים ותקעו הכוהנים בשתי חצוצרות המ֯ק֯ר֯[א -- מ]לחמה על חמשים מגן

16 וחמשים אנשי בינים יצאו מן השער האחד ו֯[ -- ]לויים שוטרים ועם

17 כול מערכה ומערכה יצאו ככול הס[רך -- אנשי ה ? ]ב֯ינים מן השערים

18 [ ועמ ] ד֯ו בין שתי המ֯ע֯ר֯כ֯ו֯ת֯ ו○○[ -- ]○○ המל [ חמה ]