The Temple Scroll

1 [-- ]○ת[ --]

2 [-- והסגר?]תמה אותמה ש[בעת ימים? --]

3 [-- ]ם ובעץ ארז ובאזוב ובח[וט שני תולעת? --]

4 את עריכמה בנגע הצרעת וטמאו _____

5 ואדם כי ימות בעריכמה כול בית אשר ימות בו המת יטמא

6 שבעת ימים כול אשר בבית וכול הבא אל הבית יטמא

7 שבעת ימים וכול אוכל אשר יוצק עליו מ [ י ] ם יטמא כול המושקה

8 יטמא וכלי חרש יטמאו וכול אשר בהמה לכול איש טהור

9 יטמא והפתוחים יטמאו לכול אדם מישראל כול המושקה

10 אשר בהמה _____

11 וביום אשר יוציאו ממנו את המת יכבדו את הבית מכול

12 תגאולת שמן ויין ולחת מים קרקעו וקירותיו ודלתותיו יגרודו

13 ומנעוליו ומזוזותיו ואספיו ומשקופיו יכבסו במים ביום אשר

14 יצא המת ממנו יטהרו את הבית ואת כול כליו רחים ומדוכה

15 וכול כלי עץ ברזל ונחושת וכול כלים אשר יש להמה טהרה

16 ובגדים ושקים ועורות יתכבסו והאדם כול אשר היה בבית

17 וכול אשר בא אל הבית ירחץ במים ויכבס בגדיו ביום הראישון

18 וביום השלישי יזו עליהמה מי נדה וירחצו ויכבסו סלמותמה

19 ואת הכלים אשר בבית _____ וביום השביעי

20 יזו שנית וירחצו ויכבסו בגדיהמה וכליהמה ויטהרו לערב

21 מהמת לגעת בכול טהרתמה ובאדם אשר לוא הטמא על