The Temple Scroll

0 [ 1 ] [אתה יורש אותמה אל מעוננים ואל קוסמים ישמעו ואתה לוא כן] [ 2 ] [נתתי לכה נביא מקרב אחיכה כמושה? אקים לכה אליו תשמעון] [ 3 ] [ככול אשר שאלתה ממני בחורב ביום הקהל לאמור לוא אוסיף לשמוע] [ 4 ] [את קול יהוה אלוהי ואת האש הגדולה הזאות לוא אראה עוד ולוא אמות] [ 5 ] [ואומר היטיבו אשר דברו נביא אקים להמה מקרב אחיהמה כמוהו ונתתי] [ 6 ] [דברי בפיהו וידבר אליהמה את כול אשר אצונו והיה האיש אשר לוא ישמע] [ 7 ] [אל דברי אשר ידבר הנביא? בשמי אנוכי אדרוש מעמו אך הנביא אשר יזיד]

1 לד֯[בר דבר] ב֯ש֯[מי אשר ל]וא צוי[תיו ל]דבר ואש֯[ר ידבר בשם] אלו[הים אח]ר֯ים

2 והומת הנביא ההוא _____ וכי תואמר אל בלבבכה [ א ] יך ( היך ) נדע את הדבר

3 אשר לוא דברו יהוה ואשר ידבר הנביא בשם יהוה ולוא יהיה הדבר

4 ולוא יבוא הוא הדבר אשר לוא דברתי בזדון דברו הנביא לוא תגור

5 ממנו _____

6 לוא יקום עד אחד באיש לכול עוון ולכול חטא אשר יחטא על פי שנים

7 עדים או על פי שלושה עדים יקום דבר אם יקום עד חמס באיש לענות

8 בו סרה ועמדו שני האנשים אשר להמה הריב לפני ולפני הכוהנים והלויים ולפני

9 השופטים אשר יהיו בימים ההמה ודרשו השופטים והנה עד שקר העיד שקר

10 ענה באחיהו ועשיתה לו כאשר זמם לעשות לאחיהו ובערתה הרע מקרבכה

11 והנשארים ישמעו ויראו ולוא יוסיפו עוד לעשות כדבר הרע הזה בקרבכה לוא

12 תחוס עינכה עליו נפש בנפש עין בעין שן בשן יד ביד רגל ברגל _____ כי

13 תצא למלחמה על אויביכה וראיתה סוס ורכב ועם רב ממכה לוא תירא

14 מהמה כי אנוכי עמכה המעלכה מארץ מצרים והיה כקרובכה למלחמה

15 ונגש הכוהן וידבר אל העם ואמר אליהמה שמע ישראל אתמה קרבים