Column 54 · 53 of 66
The Temple Scroll
Hebrew — Qumran-Digital transcription, version 2026-05-21
1 ש[ומעו ואם הפר אותמה אחרי] י֯ו֯ [ ם ] ש֯ו֯[מעו ונשא את]
2 עונה א[ישה הפרמה כול נדר] או כול שבועת א[סר לענות נפש]
3 אישה יקי [ מנו ] ואישה [ י ] פ֯ר֯נו ביום שומעו ואנוכי אסלח [ ל ] ה
4 _____ וכול נדר אלמנה וגרושה כול אשר אסרה על נפשה
5 יקומו עליה ככול אשר יצא מפיה _____ כול הדברים אשר
6 אנוכי מצוכה אותמה היום תשמור לעשות לוא תוסיף עליהמה ולוא
7 תגרע מהמה _____
8 אם יקום בקרבכה נביא או חולם חלום ונתן אליכה אות או
9 מופת ובא אליכה האות א ו המופת אשר דבר אליכה לאמור
10 נלכה ונעבודה אלוהים אחרים אשר לוא ידעתמה לוא
11 תשמע אל דבר הנביא ההוא או לחולם החלום ההואה כי
12 מנשה אנוכי אתכמה לדעת הישכם אוהבים את יהוה
13 אלוהי אבותיכמה בכול לבבכם ובכול נפשכמה אחרי יהוה
14 אלוהיכמה תלכון ואותו תעבודון ואותו תיראו ובקולו תשמעון
15 ובו תדבקון והנביא ההוא או חולם החלום יומת כי דבר סרה
16 על יהוה אלוהיכה אשר הוציאכה מארץ מצרים ופדיתיכה
17 מבית עבדים להדיחכה מן הדרך אשר צויתכה ללכת בה ובערת
18 הרע מקרבכה _____
19 ואם ישיתכה אחיכה בן אביכה או בן אמכה או בנכה או בתכה
20 או אשת חיקכה או ריעיכה אשר כנפשכה בסתר לאמור
21 נלכה ונעבודה אלוהים אחרים אשר לוא ידעתמה אתה