The Temple Scroll

0 [ 1 ] [ואבותיכה מאלוהי העמים אשר סביבותיכמה הקרובים אליכה] [ 2 ] [או הרחוקים ממכה מקצי הארץ ועד קצה הארץ לוא] [ 3 ] [תואבה לו ולוא תשמע אליו ולוא תחוס עינכה עליו ולוא] [ 4 ] [תחמול עליו כי הרוג תהרגנו ידכה תהיה בו] [ 5 ] [בריאשונה להמיתו ויד כול העם באחרונה וסקלתו באבנים] [ 6 ] [ומת כי בקש להדיחכה מעל יהוה אלוהיכה המוציאכה מארץ מצרים] [ 7 ] [מבית עבדים וכול ישראל ישמעו ויראון ולוא יוסיפו לעשות]

1 [כדבר הרע הזה בקרבכה _____

2 אם תשמע ב֯א֯ח֯[ת עריכה אשר א]נוכי נותן לכה לש[בת שם]

3 לאמור יצאו אנש [ י ] ם [ ב ] ני [ בלי ] על מקרבכה וידיחו את כול [ י ] ושבי

4 עירמה לאמור נלכה ונעבודה אלוהים אשר לוא ידעתמה

5 ושאלתה ודרשתה וחקרתה היטב והנה אמת נכון הדבר

6 נעשתה התועבה הזואת בישראל הכה תכה את כול יושבי

7 העיר ההיא לפי חרב החרם אותה ואת כול אשר בה ואת

8 כול בהמתה תכה לפי חרב ואת כול שללה תקבוץ אל תוך

9 רחובה ושרפתה באש את העיר ואת כול שללה כליל ליהוה

10 אלוהיכה והיתה לתל עולם לוא תבנה עוד ולוא ידבק

11 בידכה מאום מן החרם למען אשוב מחרון אפי ונתתי לכה

12 רחמים ורחמתיכה והרביתיכה כאשר דברתי לאבותיכה

13 אם תשמע בקולי לשמור כול מצוותי אשר אנוכי מצוכה

14 היום לעשות הישר והטוב לפני יהוה אלוהיכה

15 _____ אם ימצא בקרבכה באחד שעריכה אשר

16 אנוכי נותן לכה איש או אשה אשר יעשה את הרע בעיני

17 לעבור בריתי והלך ועבד אלוהים אחרים והשתחוה להמה

18 או לשמש או לירח או לכול צבא השמים והגידו לכה עליו

19 ושמעתה את הדבר הזה ודרשתה וחקרתה היטב והנה

20 אמת נכון הדבר נעשתה התועבה הזואת בישראל והוצאתה

21 את האיש ההוא או את האשה ההיא וסקלתמה באבנים