Column 53 · 52 of 66
The Temple Scroll
Hebrew — Qumran-Digital transcription, version 2026-05-21
0 [ 7 ] [-- כי ארחיב את גבולכה]
1 [כאשר דברתי לכה וכי ירח]ק [ממכה המקום אשר בחרתי לשום שמי שמה]
2 [ואמרתה אוכלה בשר כי א]ותה נפשכה לאכול ב[שר בכול אות נפשכה]
3 תואכל בש[ר וז]ב֯ [ חת ] ה מצואנכה ומבקריכה כברכתי אשר אתן
4 לכה ואכלתה בשעריכה והטהור והטמא בכה יחדיו כצבי
5 וכאיל רק חזק לבלתי אכול הדם על הארץ תשופכנו כמים וכסיתו
6 בעפר כי הדם הוא הנפש ולוא תואכל את הנפש עם הבשר למען
7 ייטב לכה ולבניכה אחריכה עד עולם ועשיתה הישר והטוב
8 לפני אני יהוה אלוהיכה _____
9 רק קודשיכה וכול נדריכה תשא ובאתה אל המקום אשר אשכין
10 שמי עליו וזבחתה שמה לפני כאשר הקדשתה או נדרתה בפיכה
11 וכי אם תדור נדר לוא תאחר לשלמו כי דרוש אדורשנו מידכה
12 והיה בכה לחטאה ואם תחדל ולוא תדור לוא יהיה בכה חטאה
13 מוצא שפתיכה תשמור כאשר נדרתה נדבה בפיכה לעשות
14 כאשר נדרתה _____ ואיש כי ידור נדר לי או ישבע
15 שבועה לאסור אסר על נפשו ולוא יחל דבריו ככול היוצא מפיהו
16 יעשה _____ ואשה כי תדור נדר לי או אסרה אסר על נפשה
17 בבית אביה בשבועה בנעוריה ושמע אביה את נדרה או
18 את האסר אשר אסרה על נפשה והחריש לה אביה וקמו
19 כול נדריה וכול אסרה אשר אסרה על נפשה יקומו _____ ואם
20 הנא יאנה אביה אותה ביום שומעו כול נדריה ואסריה
21 אשר אסרה על נפשה לוא יקומו ואנוכי אסלח לה כי הניאה